新年當旺發圍搶分
今晚賽事較少，阿King以意甲拉素主場對維羅納，作為過關重心，串埋西班牙盃及法足盃。包尾嘅維羅納發力搶分，已連續5場不敗，表現脫胎換骨，反而拉素跌Watt，近3仗都食白果，攻力疲弱，冇本錢讓波，捧維羅納讓球客勝。（TVB 301周五凌晨3時45分直播）

維羅納踢咗24場聯賽僅1勝，但其實近期有起色，近5戰取得1勝4和，打開今季聯賽勝利之門，仲打和羅馬同國際米蘭。特別係上仗鬥國米，維羅納一度領先3比1，最終被逼和3比3，已經贏晒口碑，可以提升球員信心同士氣，預料演出會愈來愈好，對住頹勢嘅拉素，當然未驚過。

拉素前線啞火難靠
拉素近3場聯賽，吞拿玻里兩蛋之餘，對烏甸尼斯及熱拿亞都互交白卷，鋒線死晒火。最大鑊係近7次聯賽主場出擊，只獲得1勝，讓波捧對家為妙。

西班牙盃4強次回合，切爾達主場對西維爾，西維爾首回合大勝4比0，晉級決賽機會高唱入雲，今仗唔需要太進取。雙方剛於上仗聯賽交鋒，打和1比1，一於再追入球細。法足盃16強，非聯賽球隊泰列沙斯喺中立場鬥馬賽，泰列沙斯上圈淘汰另一支法甲球隊里爾，鬥志頑強，估計上半場頂得住馬賽，博半場和。

（TVB 302周五凌晨4時直播）