足智彩今晚得場瑞超畀大家玩，加費萊喺主場對哈馬比，平手都要唔過。論排名、近況同往績，其實加費萊全部贏晒，點知足智彩讓球唔使佢哋讓波，睇落充滿鬼味，不如冷敲哈馬比打翻身戰好過。（開賽時間：周二凌晨1:05）

加費萊夫添對賽贏晒
現時加費萊比哈馬比多4分，雖然近4場得1勝3負唔對路，但佢哋開季後連盃賽主場有4勝2和1負，連赫根都贏過，只係輸過畀上季聯賽冠軍馬模，加上近3次主場對哈馬比全勝，期間1球都冇失過，目前陣中又冇傷兵，點解加費萊唔使讓大家自己諗吓。

事實上，哈馬比近8場聯賽得3和5負，除咗進攻火力不足，排陣上都有麻煩，因為後衞奧利華施華賀特喺上星期傷出，中場比隆尼斯艾斯又被罰停賽，如果莊家唔係覺得佢哋有計，今場真係好難會開平手，我就寧願信專業開盤人士嘅眼光，博哈馬比大翻身啦！