今期速食王推介西甲畢爾包主場對維拉利爾，兩隊剛於上月西班牙盃16強交手，畢爾包「雙殺」對手，擺明格食格。加上畢爾包近期表現搶韁，近3仗上半場都取得領先優勢，不妨買定半場主勝，踢完45分鐘就收錢。

（now 632周日凌晨3時30分直播）

畢爾包一向勇字當頭，早前西班牙盃8強次回合作客巴塞隆拿，都採用主動，並先開紀錄兼領先上半場，即使最終輸波，亦有所交代。睇番近兩場聯賽，畢爾包都係上半場領先，開出半勝全勝，非常進取。而且畢爾包屬於巴斯克地區球隊，地方主義高漲，今仗主場出擊，勢必先下手為強。

維拉利爾傷兵多難靠
事實上，畢爾包近4次主場對維拉利爾，取得3勝1和，其中3次上半場領先，數據非常靚仔。加上維拉利爾前鋒森姆加西亞、後衞艾歷拜利養傷，前景唔樂觀，隨時半場都頂唔住。