傷「兵」好番晒
英超周中快車好戲連場，喺英超跌落第3位嘅阿仙奴，今晚會喺主場迎戰近況大勇嘅修咸頓，想爭標絕對不容有失。好彩，「兵工廠」喺衝刺階段有大批傷兵復出，尤其王牌球星阿歷斯山齊士傷愈後狀態大勇，有望為球隊報回首循環慘敗之辱，2.9倍「讓球主勝」穩陣。

(now 622周三凌晨3:45直播)

A山復出即做英雄
阿仙奴周中喺足總盃半力出擊都以2:1擊敗般尼晉級，除咗奧斯爾、施治、艾朗藍斯等主力有機會休戰叉電，一班重傷初愈嘅主將高基連、阿迪達都出得番嚟踢，抖咗2個月後首次擔任正選嘅阿歷斯山齊士（A山）仲靠一傳一射做埋贏波英雄添！加上埃及中場艾利尼首演大獲好評，「兵工廠」今季最齊腳就係依家喇！

雖然修咸頓近期連贏3場，包括上場聯賽作客1:0砌低曼聯，不過佢哋贏「紅魔」之前作客經歷4連敗，當中對住韋斯咸同水晶宮兩間倫敦球會都要輸，況且，「聖人」對上3季聯賽作客酋長球場輸晒，似乎畀唔到人太大信心，今場對住差唔多夫添嘅「兵工廠」，睇怕難逃大敗。