嚟到年頭，啲二線波陸續返嚟喇，智甲、墨超已經開番，巴省聯開始受注，仲有啲阿根廷錦標亦有得玩。事實上，阿甲喺下星期亦會展開，呢個聯賽有幾古靈精怪大家心中有數，今日同大家傾場季前熱身賽阿錦標小保加對河床。

（周日早上9時10分開賽）

對親小保加都有事
呢兩隊阿根廷老牌死對頭啱啱過去嘅星期日先至碰頭，賽果係河床贏1比0，不過最矚目反而係場波有五人被紅牌趕出場，其中河床有球員同泰維斯爭執再用頭撼對方，引發球員大混戰，正選後備連同職員追打，十足拍戲咁。其實上年5月兩軍喺自由盃16強次回合碰頭，一樣有不愉快事件，小保加球迷搞事，竟然用催淚氣體襲擊河床球員，最終小保加被逐出自由盃兼罰20萬美元。

阿根廷球壇一向保障既得利益者，啲降班制度計三季平均成績，明顯偏幫傳統持份者，小保加同河床幕後一向爭話事權，講到尾，咪又係錢作怪，所以有時啲波唔順幕後人心意，場上自然會有人搞事，望取消唔計數，呢場點玩好？嚟料話捧河床，一於信晒佢。