「天鵝」史雲斯最近任命意大利籍嘅古度連為新帥，今場作客「拖肥糖」愛華頓，喺換帥效應下，「天鵝」有力頂住不敗。愛華頓3日後要喺英聯盃4強次回合惡戰曼城，今場難以去盡，史雲斯受讓半一，捧下盤！

（now 621周日晚9時30分直播）

史雲斯上場主場鬥屈福特，有新帥古度連做座上客，成班兵即刻踢得醒神咗，靠隊長艾殊利威廉斯入波，死守保住1比0優勢到完場，取得重要3分，一掃對上3場全敗烏氣。今場係古度連首度領軍，呢位60歲老帥經驗夠晒，教過烏甸尼斯、帕爾馬及摩納哥等球隊，雖然未教過英超球隊，但總有辦法激勵士氣，令「天鵝」將士用命，為護級而戰，相信今場至少唔使輸搶分而回！

愛華頓留力踢英聯盃
愛華頓喺聯賽榜排11位，同第4位嘅熱刺相差成10分，爭入前4機會唔大，不如留力盃賽仲好。「拖肥糖」喺英聯盃4強首回合領先曼城2比1，差一步殺入決賽，嚟緊3日後嘅次回合作客曼城相當緊要，今場隨時留一手。愛華頓近3次對史雲斯都和氣收場，史雲斯受讓要捧場喎！