U23亞洲盃8強今日繼續開火，南韓U23雖然公認係爭霸分子之一，不過今場波對住守字行先嘅約旦U23，半場未必咬得入，一於博吓個2.02倍半場和。
（now 671周六晚9:30直播）
除咗上一場對伊拉克U23抽起晒啲主力，南韓U23喺分組賽頭兩場波贏晒狂入7球，表現相當有霸氣，佢哋嘅快速短傳推進，好明顯响亞洲U23呢個年齡層係比較熟練同高水準嘅，柳承佑、文昌鎮，權昌勛甚至黃喜燦幾個，都係非常有威脅嘅攻擊球員。但係嚟到淘汰賽階段，主帥申台龍已經落咗Order要避免先失球，所以今仗一定會穩中求勝，唔會搶錢咁搶。
約旦U23中後場有卡士
相對而言，約旦U23顯然技不如「太極幼虎」，佢哋唯一比較強嘅地方係，中後防有啲球員好有分量，譬如龍門阿迪耶、後衞希森同中場菲沙爾、艾馬迪都係打得之人，技術、體能俱佳，實會踢穩守突擊應付南韓U23，呢場波前45分鐘分唔出勝負冇乜出奇。
