正所謂生有時、死有時，股市高低有時，球隊起跌亦有時，今日重心推介場次，係英超「二哥」李斯特城主場迎戰史篤城。雖然李斯特城近期明顯跌Watt，冇季初咁sharp醒，但肥叔認為係時候人棄我取執筍貨，初盤李斯特城小讓平半兼低水，呢個上盤值得入貨。

(now 623周六晚11時直播)

近期股市下滑低處未算低，嚇到好多股民都騰騰震，甚至有人恐慌性拋售，不過股市同球市一樣都應該係睇長線，好似今季異軍突起嘅李斯特城，踏入2016年5戰僅1勝，啱啱仲喺英足盃畀熱刺淘汰，成場波畀熱刺圍攻全冇還手之力，惹來好多投注者卻步。不過成季流流長，強如曼城、阿仙奴都唔能夠長期keep住強勢，更何況係李斯特城呢？肥叔認為「狐狸」依家處於技術性調整，表現會比較反覆，但可睇準一啲特定時機吸納。

莊家睇淡史篤城
好似今晚李斯特城主場對史篤城，雖然史篤城今季屢挫強隊咁弗，但初盤李斯特城小讓平半之餘，更被壓到得番七一水，莊家反其道而行似乎有計喎，依家個個都睇死「狐狸」，肥叔認為係人棄我取嘅最佳時機，上盤捧得過。