U23亞洲盃8強今日展開，奪標熱門日本U23喺分組賽全勝首名出線，今場對住以次名出線嘅伊朗U23，無論實力定狀態都高於對手，1.92倍主勝值得支持。

（now671周五晚9:30直播）

伊朗U23防守唔掂
日本喺分組賽霸氣逼人，最後一場肯定出線情況下，收起前鋒鈴木武藏、中場遠藤航、原川力、後衞岩波拓也等三線主力，仍然照贏上屆亞軍沙特阿拉伯，一眾主將抖夠後今場重返正選行列，有望踢出最高水準。伊朗U23上場以3:2力克中國U23出線，不過防守始終令人擔心，近2仗失咗4球，今場對住火力強勁嘅日本注定冇運行。