英足盃第3圈重賽，先有李斯特城主場對熱刺。冇錯！又係呢兩隊對戰，今場係佢哋10日內第3次碰頭，熱刺對上兩場鬥「狐狸」錄得1和1負，今場無論係為啖氣定為出線，誓要贏翻鋪！「狐狸」前線孖寶占美華迪及馬列斯狀態明顯跌Watt，近6場都冇波入，上場英超能夠擊敗熱刺1比0係有運，只怪熱刺未能把握多次入球機會，畀「狐狸」偷雞成功。不過熱刺喺輸波後即刻反彈，上場聯賽大炒新特蘭4比1，今場再對李城冇得再衰，熱刺讓平半，捧上盤！

（周四凌晨3時45分開賽）

紅軍小將肯搏捧「讓主」
另一場重賽由利物浦喺主場迎戰埃克塞特，上次交手紅軍領隊高普派一班小將應戰，結果和咗2比2，賽後高普話重賽會繼續重用年輕球員，冇計喇，紅軍仍有嚴重傷兵問題，今場派小將上陣唔一定係壞事，佢哋有氣有力，為上位實搏命，返到晏菲路球場要贏1球以上唔難，讓球主勝值捧。

（周四凌晨4時開賽）

最後講多場法足盃32強賽事，馬賽主場鬥蒙彼利埃，馬賽上場法甲擊敗卡昂3比1終止4場不勝，有望振奮士氣，可贏兩連敗嘅蒙彼利埃。

（TVB 302周四凌晨4時直播）