唔贏就執包袱，沙特阿拉伯U23响呢種壓力底下，今日喺U23亞洲盃B組煞科戰，焗住要狂攻已經首名出線嘅日本U23，今場受讓平半並唔過分，可以博吓2.12倍下盤。

（now672周二晚9:30直播）

畀後備兵熱吓身
沙特U23喺中東出擊，話晒都叫有半個主場之利，但係表現令人失望，連和泰國、北韓得2分，今場如果打唔低日本U23，萬一北韓對泰國嗰場分到勝負，佢哋就會次名都冇埋，宣布打道回府，所以冇得唔去盡。

事實沙特U23今日係有機會W出嘅，事關日本U23有6分喺手，已經篤定首名出線，為咗畀後衞室屋成、前鋒鈴木武藏兩件傷兵，同埋隊長遠藤航呢啲主力抖吓，監督手倉森誠講明要變陣試新戰術，今仗極有可能派未出過場嘅松原健、三竿健斗同井手口陽介幾件後備貨熱吓身，根本唔會夫添搏殺，沙特U23真係有chance全取3分。