今日比甲輪到火力王布魯日出擊，呢班波同時亦係聯賽主場成績最好嘅球隊。呢次佢哋喺歇冬後復出首戰，就喺自己地頭對住下游球隊梅斯干，真係開正佢哋嗰瓣，今晚實行開大餐都似，1.45倍入球大開梗咁滯，1.57倍「讓主」自然唔好錯過。

（開賽時間：周日凌晨1:00）

梅斯干4連敗失信心
講攻擊力，今季布魯日比榜首真特仲要得人驚。今輪聯賽未開始之前，布魯日就喺21場比甲入面轟入42球，成為成個聯賽入面唯一一隊場均入球達到兩球嘅球隊，堅唔講得笑。有咁嘅成績多得一對箭頭禾臣、艾度拿爾戴亞比演出穩定，兩件重炮攜手攻入17球，就算呢鋪翼鋒艾賓尼伊斯爾休戰，都唔驚冇士哥啦！

更何況布魯日主場表現更加惡，今季聯賽10次主場出擊贏9鋪，合共攻入27球失8球，無論得球定失球數字比其餘比甲球隊出色，呢鋪對住排14位嘅梅斯干，怕且都實食冇黐牙。相反對手梅斯干歇冬前連輸4場後信心盡失，加埋中場米基爾因傷缺陣，佢哋今次真係想輸少粒都難咯。