阿根廷及智利陣中兩大巨星美斯及阿歷斯山齊士由於目標太大，經常畀對方守衞緊纏，所以今屆佢哋兩人入波唔算多，但要留意兩軍攻勢經常會由兩人策動，屬球隊進攻命脈，如非受傷被換出機會極微，所以兩者喺今屆比賽開出「上述事件沒有發生」次數最多。

迪馬利亞體力差難踢足
阿根廷前鋒阿古路除分組賽最後一仗對牙買加因傷缺陣，其餘四場「先發事件」有三次開出「入球」，腳風順值得留意。迪馬利亞上場四強對巴拉圭雖然梅開二度，但體力一向係弱項，所以今屆五場比賽有三場「被換出」。