國米慢熱冷敲「和主」

國際米蘭自從09/10年球季後，就同意甲錦標緣盡，不過球隊上季搵返前教練文仙尼回巢，今季全面回勇，有力打破祖雲達斯近年壟斷意甲局面。不過「藍黑軍團」今季主場出擊甚少半場領先對手，今次主場鬥薩斯索羅，嫌主勝得1.47倍冇肉食，不妨冷敲4.1倍「和主」。

（TVB301台周日晚上7:30直播）

國際米蘭在歇冬假期後未有走樣，上仗作客擊敗安玻里全取3分，主力射手莫路伊卡迪亦錄得連續3場意甲均有士哥，呢鋪回師主場鬥名氣實力較遜色嘅薩斯索羅，難免被睇高一線。之但係「藍黑軍團」今季9次主場出戰聯賽，只係得2鋪喺換邊前領先對手，加上中場菲臘比美路停賽，似乎想喺早段搞掂對手唔多易喎。

再者薩斯索羅連續4仗聯賽不敗，佢哋對上6場作客賽事，有4場至少可以頂住半場唔輸，呢鋪作客國際米蘭可以預期佢哋踢得更加保守，相信「藍黑軍團」都要嘥啲時間先可以攻陷對方大門。