法乙今晚重開，阿King當然搵到好嘢益大家，其中排第14嘅尼奧特會喺主場鬥「二哥」迪安。尼奧特上周已經喺法足盃出戰，能夠贏波而回狀態當然唔錯。至於今仗係迪安歇冬後首戰，球員狀態自然唔會托弗，加上佢哋近年作客尼奧特未贏過，擺明畀後者食住，今場開平手盤，阿King梗係撐主隊啦！

（周六凌晨3時開賽）

尼奧特歇冬前位列第14位，排喺下游全因為成日和波，查實佢哋今季19戰只係輸過5場，表現拍得住部分前列球隊。尼奧特上周喺法足盃作客對低組別球隊穆蘭，最終憑前鋒尼多同埋中場占美萊爾各建一功，以2比1力克對手，整體表現已回復水準，今仗雖有中場奧姆拉尼仍有傷上陣成疑，但藉住主場硬淨嘅成績，相信可以取得勝利。

杜亞斯作客有勝算
迪安歇冬前兩仗都贏唔到，加上對上6次造訪尼奧特竟只得2和4負，擺明畀後者食住，今仗仲有中場主將佐敦馬列有傷上陣成疑，相信今仗難有作為，平手盤阿King捧尼奧特。

另一場尼姆同比斯特喺歇冬期間都有增兵，前者獲葡超馬迪亞拿嘅阿爾及利亞後衞薩拉比加盟；後者則簽下挪超波林基林特嘅塞內加爾中堅域斯辛尼。尼姆喺主場經常同對手打和，至於比斯特作客相信唔會踢得進取，今仗一於捧和局。至於杜亞斯上周剛踢完法足盃，狀態肯定比對手巴黎FC好，加上後者近9仗主場未贏過，今仗就算有主場之利亦凶多吉少。