每逢踏入聖誕新年，歐洲多個聯賽都會進入歇冬期，因此接近「獨市」嘅英倫賽事，就成為球迷同博彩界焦點所在，今日肥叔重心推介場次，係英超曼城主場對新特蘭，「藍月亮」要讓2/2.5球辣得滯，相反有2倍嘅入球大諗得過。

（now 622周六晚11時直播）

每件事情通常有正反兩面，英超好多領隊抱怨快車賽期太密冇得抖，但喺其他聯賽歇冬期嘅同時，作為全球最受歡迎聯賽，英超坐收天價獎金及轉播費，肥叔認為食得鹹魚抵得渴無謂怨。而且英超喺呢段時間屬於球迷唯一焦點咁滯，正所謂「睇波不賭波，球迷吃甚麼」，投注額勢必比平時進一步推高。以今日推介賽事曼城主場對新特蘭為例，肥叔唔會懷疑新敗嘅「藍月亮」反彈決心，但初盤要讓到2/2.5球真係太辣，肥叔留意到市場有唔少人狂吸大盤飛，就算中位數調至3.5球，入球大比上盤更加值博。

打比郡盤口見信心
至於英冠「二哥」打比郡主場對富咸，「綿羊」志切爭升上英超，近七仗主場出擊不敗之餘，仲贏足六場氣勢如虹，相反富咸近八仗未嘗一勝，打比郡讓到球半擺明信心十足，上盤有買趁早。

（周六晚11時開賽）