荷甲今晚有場士哥「大」戰，奈梅亨主場迎戰爭標分子飛燕諾，雖然2隊波排名上有一定距離，不過佢哋幾乎每次交鋒都係大手交易，近5次對碰竟然炮製出25個入球，今場梗係要繼續追「大」啦！

（now 672周日晚9:30直播）

今季先至重返甲組嘅奈梅亨，實力當然唔及飛燕諾，但佢哋每次交鋒都大玩進攻，近5次對賽共出現25球，其中3場總入球達到6球，奈梅亨近7仗主場取得5勝2和，平均每場入2球以上，鋒力強勁。

飛燕諾古積特大勇
飛燕諾依家落後榜首阿積士2分，要爭標嘅話每1分都不容有失，老將射手古積特狀態大勇入球停不了，球隊近4仗聯賽入13球，相信今仗作客亦會照攻，1.68倍入球大抵玩。