今日阿King搵咗三場澳職做主菜，首先珀斯光輝主場迎戰榜首西悉尼流浪者，客軍連贏7場弗到漏，但留意佢哋最近6場波都係開半場和，反映球隊鍾意下半場先發力，阿King估計流浪者今場會沿用呢個策略，一於再追半場和。

（有線64及203台周六晚6時40分直播）

西悉尼流浪者係目前澳職最弗球隊，佢哋上仗主場2比0輕取墨爾本勝利錄得7連勝，球隊喺呢7場入咗14球只失3球，顯得攻守兼備。流浪者只有中場維度錫上陣成疑，呢班波後勁凌厲，鍾意下半場先嚟料，近6場賽事全開半和絕對有根有據。

珀斯光輝早前一度錄得6場不勝，但對上兩仗主場賽事皆贏波，表現有所反彈。不過光輝傷兵問題嚴重，中場薩哥維治同後衞祖碧治因傷唔踢得，前鋒古安費南迪斯、中場薛尼摩拉利斯同後衞祖舒亞列斯頓皆有傷上陣成疑，今仗面對「一哥」流浪者，相信會先求不失再趁機進攻，半場分分鐘鬥拉鋸，推介半場和。

墨城打吡吼大
其餘兩場澳職推介，FC悉尼作客對主場3連勝嘅威靈頓鳳凰，相信會延續今季半場穩陣打法，同樣要半場和。（周六下午2時15分開賽）最後墨爾本城對墨爾本勝利嘅「墨城打吡」，兩軍都有唔少主力缺陣，加上近7次交手有6場開入球大，入球大細中位數就算轉到3/3.5照撐大盤。

（周六下午4時30分開賽）