近7次對賽例多波入
周五深夜有場德甲獨腳戲，史浩克04主場迎戰賀芬咸，冇錯場波開好夜，天寒地凍，真係好難有動力起身睇嘅，不過你唔睇就走寶嘞，事關你將會錯過一場精彩嘅入球騷！史浩克04過去7次對賀芬咸全開大盤，當中5次總入球都達4球或以上，數據非常硬淨。史浩克上場聯賽作客不敵奧格斯堡，今場主場出擊誓要搵排尾二嘅賀芬咸嚟出氣，入球大細中位數開到2.5/3球都照捧入球大呀！

（now 670、有線61及201台周六凌晨3時30分直播）

排緊第8位嘅史浩克只係差第4嘅禾夫斯堡兩分咁大把，上場已經輸畀第13嘅奧格斯堡，今場對住實力更曳嘅賀芬咸，真係再冇失分空間，為全取3分實要採取主動搶攻，好彩史浩克對賽往績食住賀芬咸，近5次主場贏咗4場，4場都大勝兩球或以上，包括今年3月以3比1 KO賀芬咸，贏得好有說服力，所以今場捧大之餘，亦可以玩埋史浩克上盤，讓半一1.84倍都博得過！

伯明翰主場曳捧卡城
另外，阿King就搵嚟法甲同英冠賽事過關，先有尼斯主場迎戰蒙彼利埃，尼斯剛喺周中法聯盃同甘岡激戰120分鐘，最終射輸12碼，主力如賓艾化、阿歷山祖文迪、謝列美派特等踢足全場，恐怕有疲態。蒙彼利埃近9場聯賽僅一敗，今場受讓捧得過。

（TVB 302周六凌晨3時30分直播）

最後就係英冠嘅伯明翰主場鬥卡迪夫城，伯明翰近4主場錄得3負1和劣績兼一球不入，完全揀唔落手，今場當然係熱捧讓球客勝啦！

（TVB 301周六凌晨3時45分直播）