喺歐霸盃B組首名出線嘅利物浦，今次將會重返主場出戰英超對手西布朗。紅軍火力最近明顯減弱，今仗撞正英超作客失球最少嘅西布朗，就算贏到都唔慌入得多波，一於撐1.85倍入球細。（now 621台周一凌晨0:00直播）

利物浦喺新帥高普帶領下，早前一度士哥不斷，但隨住佢哋上場作客摸和錫永0:0，計落隊波已經連續2仗食白果。加埋射手史杜列治再度受傷，即使今仗中場菲臘比古天奴復出，紅軍想炒起對手難度唔細。

7次聯賽作客全開細盤
更何況對手西布朗作客表現勁硬淨，7場英超作客只係失守5次，比曼城、阿仙奴等前列球隊仲要威。事實上班波近況唔差，近3仗即使面對熱刺、阿仙奴等球隊，亦取1勝2和，合共亦僅失3球。睇番班波7次聯賽作客均開細盤，相信西布朗今仗繼續死守博1分，入球細抵玩。