當人人睇西甲淨係留意巴塞隆拿同皇家馬德里兩大班霸點鬥法，馬德里體育會就靜靜地起革命，各項賽事加埋已經連贏7場，聯賽追到榜首嘅巴塞氣咳，今場主場鬥畢爾包，當然不容有失，馬體會讓半一，捧上盤！

（now 632周一凌晨1時15分直播）

馬體會呢個「神鋒生產地」當然名不虛傳，由費蘭度托利斯、阿古路、法卡奧到迪亞高哥斯達，個個都喺呢度成名，季初諗住由波圖加盟嘅哥倫比亞射手積臣馬天尼斯會係下一任神鋒，點知真命天子係「法國海俊傑」基沙文，佢踢咗14輪聯賽入咗7球，雖然同歷代神鋒相比入球率好似差咁啲，但含金量高就得啦，7球入面有5球係先開紀錄，而且逢親佢入波，馬體會嗰場都能夠全取3分。

畢爾包作客往績輸蝕
喺費托狀態低迷、積臣馬天尼斯繼續養傷、韋圖略嫌幼嫩之下，馬體會靠晒基沙文入波仍維持佳績，防守力強係另一個原因，「床單軍團」至今喺西甲只失咗6球，唔單止係西甲失波最少，仲係歐洲四大聯賽失波最少嘅球隊！

雖然畢爾包近況不俗，作客更3連勝，但今場過到馬體會嘅銅牆鐵壁先算喇！畢爾包更有後衞米基聖荷西停賽，中場伊拜高美斯同蒙尼恩有傷，加上對賽往績輸蝕，近5次作客「床單軍團」輸咗4場，今場抵捧馬體會上盤呀！