今日澳職有3場直播波，阿King就睇中由排第1嘅西悉尼流浪者喺主場對「二哥」墨爾本勝利。西悉尼流浪者6連勝氣勢如虹，加上陣中冇球員受傷病困擾，面對有主將唔踢得兼舟車勞頓嘅勝利，相信有望再下一城鞏固榜首位置，西悉尼流浪者主場小讓平半，阿King推介上盤。

（有線64及203台周六下午4時30分直播）

西悉尼流浪者自開季3場不勝後，球隊已連贏6場氣勢非常強勁，上仗主場憑尼高斯尾段射入致勝球，以2比1險勝布里斯班獅吼。今季狀態大勇的西悉尼流浪者賽事中顯得攻守兼備，今仗冇傷停問題可「夫添」迎戰，加上連續喺主場作賽唔使舟車勞頓，阿King認為佢哋今仗贏面極高。

勝利上仗作客對威靈頓鳳凰，雖擁有較多控球權及射門，但最終作客仍以兩球見負。今仗佢哋續有前鋒艾奇湯臣同後衞尼高拉斯安素唔踢得，加上剛作客完新西蘭又要出征西悉尼，連番作客身心疲累下今仗難言惡，就算受讓平半阿King都撐上盤。

其餘兩場澳職，首先係布里斯班獅吼主場對威靈頓鳳凰，獅吼有後衞迪維利同門將迪奧列托斯唔踢得，相信今仗初段會踢得更保守，加上已經連開五鋪半場和，今場一於再追。

（有線64及203台周六下午2時15分直播）

水手+1頂住光輝
至於珀斯光輝主場對中岸水手，光輝前鋒古安費南迪斯、中場薩哥維治、守將祖碧治全部缺陣；相反水手中場尼基蒙哥馬利今仗刑滿復出，兩軍近況雖然都曳，但水手受讓可以一試，捧讓球客勝。

（有線64及203台周六晚上6時40分直播）