世冠盃今日正式展開，東道主廣島三箭同大洋洲代表奧克蘭將會齊齊打頭陣出戰資格賽。雖然三箭早前奪得日職總冠軍士氣大振，不過呢鋪要讓對手一球/球半咁辣唔多抵玩，轉捧1.9倍下盤好過。

（有線61及201台周四晚6:45直播）

上屆季軍唔係魚腩
廣島三箭今季奪錦，多得巴西前鋒戴恩費斯杜格拉斯腳風勁順，喺次階段聯賽攻入15球，加上呢鋪坐擁主場之利，難免被睇高一線。之不過雙方喺3年前碰頭，當時三箭亦只以1:0小勝對手晉級，今次再度交手三箭未必咁易大數對手晉級。

今次係奧克蘭第7次參戰，班波近年進步神速，喺上屆賽事直頭踢出代表作，殺入4強同聖羅倫素打和1:1，打到加時先以1:2敗陣，季軍戰更喺互射12碼階段砌低藍十字奪得季軍。話佢哋呢次可以重溫美夢係誇張咗啲，但至少今仗有力令三箭吃盡苦頭，唔畀對方輕易晉級咯。