几经辛苦，喺英超锁定「前4」嘅车路士，今晚欧霸4强次回合返主场迎战法兰克福。车仔既然已稳袋下届欧联入场券，大可专心争夺欧霸锦标，心理压力减轻咗唔少，相信会有更好发挥。要知道车仔今届欧霸征程，甚少派遣王牌夏萨特，依然杀入4强阶段，愈后愈重要嘅赛事，「夏神」已经加入战团，必定如虎添翼。
法兰克福焗攻易出事
作为德甲喺今届欧洲赛嘅「幸存者」，法兰克福表现唔失礼，尤其佢哋进攻大过天，踢法悦目，不过防线认真唔稳阵，啱啱喺联赛就畀利华古逊大炒6比1，就算有留力之嫌，亦惊佢哋输到影响信心，加上首回合喺主场和1比1，今仗冇得坐以待毙一定要争取入球，焗攻下更有利车仔打反击。今仗让球盘车仔要让1/1.5球，睇落几辣，但唔係冇道理，上盘值得捧场。
（myTV Gold 303、Now 643、有线656及616台周五凌晨3时直播）