欧联4强次回合话咁快又到，首回合淨吞3蛋嘅利物浦今晚主场再斗巴塞隆拿，细鬼认为红军首回合踢得唔曳，战果唔足以反映果场波形势，今晚冇得拣必然抢攻，后防随时出现漏洞，遇着有球王美斯坐镇嘅巴塞，大盘（2.5球）值得留意。
利物浦上回合作客鲁营，多次创造出具威胁埋门，未能取得作客入球只係唔够运。佢哋今晚想反胜唔係天方夜谭，当年嘅「伊斯坦堡奇迹之夜」，球迷必定记忆犹新，细鬼对红军一班进攻球员充满信心，相信今晚有力拎到入波。
不过红军攻还攻，巴塞反击力绝对唔嘢少，首回合尾段红军大举出击，防线多次出现险象，如非奥士文尼迪比利等人「败家」，利物浦绝对唔止输3粒。今场红军争取入球之馀，仲要谂计防止巴塞取得作客入波，绝对係极其艰钜嘅任务，入球骚走唔甩。