今晚欧联8强次回合利物浦作客再斗波图，「红军」首回合领先2比0优势明显，主场嘅波图想出线一定要争取入波，即係话焗攻，细鬼相信近况弗爆嘅利物浦，会有成熟发挥，加上一班「着晒火」嘅前线组合，就算远赴葡萄牙，都有力喺次回合坐和望赢。
力争英超及欧联「双冠梦」嘅利物浦，难度梗係唔细，不过「红军」众将冇被挑战吓怕，成功喺两条战线高歌勐进，除咗联赛继续同曼城你追我赶之外，欧联8强首回合亦顺利先拔头筹，凭拿比基达及罗拔图法明奴嘅入波，两球领先波图。「红军」今季可以长期保持高水平表现，同日渐成熟嘅战术体系及打法绝对有关係，上季充满「视觉冲击」嘅进攻势头固然令球迷大呼过瘾，但防线欠缺稳定性表现，不足以为球队带嚟奖盃。今季领队高普学精咗，保留原本攻击组合之馀，防守亦全面强化，加上中坚华基尔云迪积克「统治级」嘅表现，令利物浦攻守更趋平衡，实力亦更惊人。
波图焗攻易现空位
今仗波图无退路，唯有大军压前，后防更容易出现漏洞，变相畀「红军」一班速度快兼把握力强嘅射手，如沙迪奥文尼同穆罕默德沙拿等有发挥空间，利物浦睇定嚟食有机会赢多铺。