捍衞德国颜面
综观4场欧霸8强首回合，最唔起眼嗰场，一定係「双鹰战」宾菲加主场斗法兰克福。虽然宾菲加欧赛经验赢晒，但法兰克福今届欧霸表现坚突出，加上要捍衞德国足球嘅颜面，作客出击必打甩髀唔想再丢「日耳曼」嘅架，捧让球客胜。
（有线604及603台周五凌晨3时直播）
射手卢卡祖域大爆发
宾菲加堪称山寨王，喺葡超就横行霸道，但受到「古特曼魔咒」困扰，自上世纪60年代起，再未于欧洲赛夺冠，就算经验较丰富，亦注定只能做配角。法兰克福名气输蚀，但上季捧走德国盃后，今季Keep住个势联赛位居前列，欧霸亦顺风顺水，今届10场欧霸录8胜2和不败佳绩，上圈更淘汰意甲劲旅国际米兰，货真价实。塞尔维亚射手卢卡祖域大爆发，今届欧霸入咗7粒，仲盛传获巴塞隆拿招手，一定搏老命证明身价，配合去年世盃表现出色嘅克罗地亚翼锋列比锡支援，锋力唔讲得笑。
随住拜仁、多蒙特及利华呢几支传统德甲劲旅败走欧战，「法福」已成为「日耳曼」唯一「幸存者」，呢隻「雄鹰」要保住德国足球嘅尊严，难得抽中牌面差不多嘅宾菲加，作客赢埋都唔出奇，让球客胜不容错过。