今晚除咗有2场欧联8强首回合，分别係曼联对巴塞隆拿、阿积士对祖云达斯係重头戏之外，唔好忘记仲有英冠快车，包括榜首嘅诺域治对榜末分子雷丁，与其将牌面高嗰队作为投注目标，倒不如玩刀仔锯大树，牌面较低嗰队未必输蚀。
先讲欧联，虽然有美斯担正嘅巴塞及C朗助阵嘅祖记，牌面实力明显高一筹，但其对手曼联及阿积士都唔係善男信女，迎战劲旅顺势变under dog，先做好防守。毕竟今仗只係首回合，而且主场出击之下，赢波反而係次要，最紧要主场保持不失球，若果被对方抢得作客入球的话，便会后患无穷，相反，无论赢波与否，只要主场保持清白之身，次回合作客抢得入波嘅话，就会畀到敌军更大压力，可预见曼联同阿积士今仗会稳阵行先，唔会轻举妄动，和波唔奇。
至于诺域治对雷丁，睇落强弱悬殊，但诺域治依家领先「2哥」锡菲联7分，优势明显，联赛剩番6轮，取得直接升班资格机会好大。反而雷丁要为护级抢分，战意可能比诺域治更盛，面对强队必防守为主，希望抢得1分得1分，可吼埋呢场和波，整条和波3串7，更为上算。