前线新老组合未执掂
欧国盃J组赛事，意大利主场斗列支敦士登；意大利由文仙尼掌帅后，仍未完全解决球队锋力不足嘅问题；列支敦士登近年表现有进步，近5场欧国外作客全开4球或以下，一心死守未必会大败，中位数4.5球捧细盘。
（有线605台周三凌晨3时45分直播）
文仙尼出任意大利领队以来，球队踢咗10场比赛一共攞得4胜4和2负，当中除咗上场对芬兰同赢沙特阿拉伯之外，其馀8场比赛从未试过单场入多过1球，由之前重召巴洛迪利、试用保列坦奴、拿沙格拿等新人，到今次重召36岁老将加利亚雷拉及起用19岁小将摩斯坚恩，文仙尼明显仲未搵到一个理想嘅攻击组合。
列支敦士登唔再鱼腩
世界排名181位嘅列支敦士登喺外围赛陪跑居多，不过近年已经缩窄差距，唔再任人鱼肉，例如上场欧国外主场仅负希腊0比2，上届欧国盃外围赛亦唔使分组赛包尾出局，其中5场作客总入球全开4球或以下，当中仲曾经赢过摩尔多瓦1比0，对住唔识攻嘅意大利预计唔会多入波，大细中位数有4.5球波童捧细盘。