周二傍晚麒麟盃大战，日本主场迎战玻利维亚。未能成功卫冕亚洲盃嘅「蓝武士」，正积极备战美洲国家盃，可惜领队森保一似乎未揾到球队最佳前场组合，锋力欠佳，呢场对住进攻板斧都唔算多嘅玻利维亚，两队随时上演一场闷战，中位数2.5球入球细好路。
（有线602及662台周二晚6时30分直播）
年初同亚洲盃冠军宝座擦身而过嘅「蓝武士」，为咗备战6月举行嘅美洲盃，今次国际赛期特登揾嚟哥伦比亚同玻利维亚两支南美球队练兵，力争喺赛事取得佳绩。可惜上仗面对劲敌哥伦比亚，「蓝武士」进攻明显雷声大雨点小，暴露出门前把握力欠奉嘅问题，加上重回国家队嘅老将香川真司后备上阵表现平平，最终0比1输波收场。前锋乏力嘅情况如果冇改善，今仗面对整体实力较弱嘅玻利维亚，就算成功破蛋，都好难大胜对手。
玻利维亚近况低迷
玻利维亚阵中大部分球员都喺本土联赛揾食，个人能力唔算标青，尤其球队近期战绩低迷，近5仗取3和2负，其中有4次都係同亚洲球队交手，只係入到2球，包括上仗0比1输畀南韩，进攻板斧唔算多，呢场面对整体实力有番咁上下嘅日本，睇怕都係得个守字，宁愿捧细盘。