默西赛德郡双子孭飞
周三凌晨国际赛焦点战，捷克主场斗巴西。捷克上仗畀英格兰拆骨惨败收场，士气跌落谷底，呢场对住有罗拔图法明奴压阵嘅森巴军团，根本难以招架，睇好巴西主动抢攻，半场客胜唔好错过。
（有线602及662台周三凌晨3时45分直播）
森巴军团6月即将出战喺自己主场举办嘅美洲国家盃，为咗可以喺本国球迷面前捧盃威番次，肯定要落多几成力备战，呢场面对捷克绝对唔会手软。队中球星尼马呢次虽然因伤未有入选大军，不过巴西前场依然有唔少进攻好手压阵，除咗效力英超嘅默西赛德郡双子罗拔图法明奴同李察利臣之外，被誉为「新卡卡」嘅卢卡斯柏基达表现亦日渐成熟，有力担起进攻重责。
捷克惨败后信心跌谷底
捷克喺门神施治退出国家队之后，阵容出现青黄不接嘅情况，罗马前锋柏德列舒希克同般尼射手马迪维达等阵中主力实力麻麻，根本难以重拾黄金一代嘅光辉，上仗喺欧国盃外围赛球队就淨吞英格兰5蛋，明显出现信心危机，呢场主场出击都难逃一劫，宁愿捧巴西半场胜更佳。