近4次对赛炮製21球
世盃冠军法国喺H组第2轮迎战冰岛，两军首战同样赢波，冰岛论实力当然逊法国一筹，不过近4次交手，冰岛最少入到法国2粒，所有总入球都係4球或以上，入球大不容错过。
（有线603及604台周二凌晨3时45分直播）
法国首战以4比1作客击败摩尔多瓦，3大射手基沙文、基奥特及基利安麦巴比皆有士哥，保罗普巴亦都踢得好生，充满世界盃王者风范，唔单止係实力同球技好，睇得出球员嗰种求胜心仲係好强，唔会话因为已经係世盃冠军而减少咗对胜利嘅飢渴感。基奥特亦喺前日宣布，欧国盃决赛周后会退出国家队，佢当然会喺外围赛尽力，而且以最后捧盃为目标。
至于冰岛上场亦以2比0打败弱旅安道尔，寓赛于操，以最佳状态迎接今战。双方上届曾经喺欧国盃决赛周8强交锋，当时有主场之利嘅法国以5比2淘汰冰岛，而总计各项赛事在内，法国近4次对冰岛合共出现21个士哥，总入球全开4球或以上，捧2.5球入球大最明智。
土耳其再擦「私房菜」
同组土耳其对摩尔多瓦，土耳其首战2比0击败阿尔巴尼亚，如果法国同冰岛今轮打和嘅话，土耳其今场赢波就可以做小组一哥。土耳其之前6次对摩尔多瓦赢5次，最少赢2球，再遇「私房菜」捧让球主胜。
（有线603及604台周一凌晨1时直播）