C朗甩完辘要出气
衞冕嘅葡萄牙喺欧国外B组主场对塞尔维亚。基斯坦奴朗拿度（C朗）上仗回归葡军食白果，谷埋肚火要发洩，但塞尔维亚中前场勐将杜辛泰迪治及阿历山大米祖域抖够，仲有人气新星卢卡祖域助阵坚勐火，今仗随时合演入球骚，2.5球大盘有计。
（有线661及601台周二凌晨3时45分直播）
C朗喺世盃后主动申请唔踢欧国联，蓄锐预备更重要嘅欧国外，点知上仗回归即刻甩辘，主场闷和乌克兰，C朗一向好胜，必当塞尔维亚沙包咁出气，毕竟葡军係上届盟主，如果出唔到线都几冇面，今仗实抢攻。
不过塞尔维亚亦非善男信女，上周中热身赛收起中前场勐将杜辛泰迪治及阿历山大米祖域，照样打和德国1比1，今仗佢哋抖够复出，攻击力大增，尤其係杜辛泰迪治近况大勇，早前带领阿积士喺欧联16强淘汰皇马，可见一斑。仲有今季喺法兰克福士哥不断嘅卢卡祖域，上仗对德国亦轰入自己喺国际赛嘅开斋波，信心爆棚，难怪连巴塞隆拿都想撬佢过档，绝对唔怕同急于抢分嘅葡萄牙斗攻，入球大有计。
乌克兰食住卢森堡
同组卢森堡主场对乌克兰，乌克兰上仗顶住葡萄牙抢分成功表现唔错，今仗造访弱旅誓抢3分，加上近3次交手都赢3粒，捧让球客胜。
（有线605台周二凌晨3时45分直播）