欧联16强次回合压轴两仗，其中巴塞隆拿返主场再斗里昂。首回合打和0比0，巴塞一向火力全开，呢场睇落好似杀声震天，但佢哋打欧联又係另一个样，变得稳打稳扎，随时赢波即收缰，估计入波都係一、两球上落。
近5仗欧联只入6球
巴塞返主场出击，理所当然获秤先，但睇番死敌皇马点样阴沟里翻船，「地上最强」都不宜太老定。儘管巴塞坐拥美斯、苏亚雷斯、奥士文尼迪比利等进攻好手，但主帅华尔维迪係稳阵派，尤其係出战欧联赛场，单计近5仗欧联总计只係入得6球，同大家印象中火力全开、閒閒哋赢3、4球嘅巴塞截然不同。最重要係巴塞未有取得作客入球，若果今仗唔觉意畀里昂入波，就会陷于被动，华帅最想梗係入波先，然后玩拉布拖到完场，应该好难有大量入波睇嘞！
另一场拜仁慕尼黑主场对利物浦，首回合同样係0比0，今铺拜仁返主场会採取主动，反而啱晒红军打反击，需知道一旦红军入波，最终打和亦有作客入球优势，相信主帅高普会落柯打，以「保不败」为目标，再伺机给予致命一击。