今个周中欧联重燃战火，周四凌晨嘅16强首回合有多蒙特作客热刺，以及皇马作客阿积士，我相信两支客军係坐和望赢格局。
先讲多蒙特作客热刺，热刺伤兵满营之下近期係咁赢波，全靠孙兴民、基斯甸艾历臣等主力捱义气顶硬上，不过球员始终係人唔係机器，长期冇得抖迟早跌Watt，而且欧联係特别注重细节嘅盃赛，稍一不慎足以致命。多蒙特吸取上仗联赛领先3粒都被追和嘅教训，今仗一定小心翼翼，我相信佢哋至少可全身而退。
英冠金丝雀火力勐
至于皇马作客阿积士，「银河舰队」喺苏拿利带领下已经全面复甦，先捧走世冠盃，于联赛又杀番上次席，争取欧联4连冠更係重中之重，抽到对阿积士算係好籤。虽然阿积士青春逼人，但点秤都唔及皇马，今仗作客有力抢先机。除咗两场欧联大战之外，周中英冠亦加开快车，其中「金丝雀」诺域治作客普雷斯顿，诺域治近4仗取得3胜1和，包括击败升班劲敌列斯联，现时升上榜首，未计今轮，诺域治已经入咗60粒，拍住西布朗成为英冠最强火力球队之一，普雷斯顿好难顶得住佢哋嘅狂轰勐炸，「金丝雀」平手盘值得捧场。