热刺兼顾欧联伤兵又多
国际赛完结后，球迷焦点又落番去各大联赛度。今晚英超上演「伦敦打吡」，车路士作客温布莱火併热刺。车仔今季喺新帅沙利执教下仍保持不败，除教头有料到外，最大优势就系唔使踢欧联，情况同前季捧盃相似；反观热刺伤兵多兼有疲态，嚟紧周中又要踢欧联生死战，有后顾比较输蚀，平手盘捧车仔为妙。
（Now 621周日凌晨1时30分直播）
热刺阵中大部分均为国脚，而且仲系国家队主力，征战完世盃后基本上冇乜点休息过，热刺兵源唔算充裕之馀，今夏更冇重点收购，球员疲累在所难免，加上阵中伤兵唔少，好似捷比亚、迪比利、丹尼路斯、达云臣山齐士及维顿汉等中后场球员先后受伤，所以今季踢来唔及上季咁爽，喺9月国际赛档期后，热刺录得两连败，10月国际赛档期后对韦斯咸亦陷于苦战，之后欧联亦失分，故今次经过国际赛洗礼后情况并唔乐观。
事实上热刺今季踢硬仗表现麻麻，即使主场亦唔见得有羊优势，今季先后不敌曼城及利物浦，由于热刺新主场预计要到明年2月先可以启用，变相令主场优势大减，事关一众车仔球员对温布莱球场相当熟悉，上季车仔就曾喺呢度以2比1击败热刺。
「夏世三」弗爆必有货交
车路士今季喺沙利领军下已保持18场不败，当中包括12场联赛，全因佢的「降呢」踢欧霸耗力唔多，可专注联赛。车仔阵中虽同样多国脚，但兵多将广有近两队人可用，调动上较灵活，「夏世三」夏萨特今季长期弗爆，英超上阵11场贡献7个入球同4个助攻，平均每场可供应1个入球，加上佢的近8次作客获7胜，胜率奇高，有力反客为主。