曼联回勇作客折茅
桑马达激活法国孖宝
今晚英超头场近况回勇嘅曼联作客般尼茅夫。曼联自复用桑马达担正后进攻更流畅，同时亦激活左法国孖宝保罗普巴及安东尼马迪尔，遇上有前冇后嘅「般茅」，更利「红魔」打反击，1.87倍客胜有计。
（Now 621周六晚8时30分直播）
近5对赛般尼茅夫4负
曼联近期成绩有改善，最大原因系莫连奴放下成见，用西班牙中场桑马达担正，早前对纽卡素落后0比2时，桑马达后备入替带领「红魔」反胜3比2，之后两场联赛亦分别2比2打和车路士及2比1赢爱华顿。桑马达创造力强同够勤力，肯走位现身做配合，令曼联进攻空间大增，同时亦减轻左普巴嘅组织重担，畀佢更多自由发挥机会。连同上场联赛补中12码在内，普巴自2016年至今，喺英超一共炮製左31个入球（14入球及17助攻），系同期参与入球最多嘅曼联球员，数据反映并唔系外界所讲表现咁差，加上另一法国兵安东尼马迪尔连续3场联赛有士哥，「红魔」前线唔愁冇波入。
般尼茅夫今季表现虽然唔曳，衰在后防唔算稳阵，对上5次主场得1场冇失波，面对诺域治同布力般流浪等英冠球队都要失波，而且佢的对上5次对曼联只得1和4负，踢法似被剋死，一于捧客胜。