曼城利物浦做惯大骚
有前冇后Vs疯狂抢逼

听朝喺美国举行嘅国冠盃上演英超「蓝红」大战，由曼城硬撼利物浦。曼城主帅哥迪奥拿一向有前冇后、打死罢就，面对「红军」领队高普嘅高强度压迫战术，你一拳我一脚实斗攻到晕，况且近年交手例必大手交易，今仗实多波入，一于捧2.5球入球大。
（有线662及602台周四早上8时直播）

利莱辛尼誓踢争气波
曼城有高柏尼、奇云迪布尼、史达宁及加比尔捷西斯等主力，因早前参与世盃依家仲放紧假，美国之旅肯定唔使预佢的，因此「蓝月亮」首仗国冠盃对多蒙特，主帅哥迪奥拿惟有起用辛真高、菲尔科顿、卢卡斯尼美查等大量新人，经验点都系输蚀，客串左闸嘅辛真高更因卤莽输12码致败阵，防线都几牙烟，不过哥帅唔会改变传控型嘅进攻打法，而且有利莱辛尼及新加盟的马列斯两大翼锋助阵，边路侧击有保证，尤其被德国临尾踢出世盃大军名单嘅辛尼，讲明呢单野令佢会喺新球季更有动力，唔惊佢会揸流摊。

红军边缘前锋搏表现
利物浦今次征美名单，亦冇晒米洛列特、阿历山大阿诺特、佐敦轩达臣、洛夫云及新加盟门将艾利臣比加等世盃国脚，不过在世盃分组赛已出局嘅神锋穆罕默德沙拿及沙迪奥文尼，已经赶到美国会合，就算佢的上阵成疑，都仲有热身赛表现唔错嘅史杜列治、拉尔拉拿及拿沙马高域等边缘人助阵，佢的必定趁机争取表现，连同新兵拿比基达及法宾奴泰华利斯，火力未减，但后卫祖尔麦迪比因伤退队，而门神卡利奥斯发波瘟特性未改，上仗国冠盃对多蒙特反输1比3，防线坚唔稳阵。加上两军近4次碰头，合共炮製左18个入波，全部开3球或以上，斗攻格局必捧大盘。