纽卡素半场和顶住！
曼联内讧打乱章

周日凌晨英超尾场，曼联将会主场火併「喜鹊」纽卡素。曼联低迷表现一浪接一浪，搞到莫连奴帅位岌岌可危，今场对红魔嚟讲虽然非胜不可，不过佢的进攻毫无章法，入球能力唔值得信赖，睇好由宾尼迪斯带领嘅喜鹊可以守住半场，半场和值得推介。

（Now 621周日凌晨零时30分直播）
曼联依然未摆脱近期低迷走势，继早前联赛1比1遭狼队逼和之后，上轮作客再以1比3不敌韦斯咸；连续两轮联赛失分，尤其主场发挥曳到爆，计埋英联盃同欧联，红魔已经近4仗主场未赢过波。一连串令人失望嘅演出之后，莫讲话出名要求高嘅魔迷，就连球队高层都似乎忍无可忍，随时有可能炒莫连奴鱿鱼。

恩斯斥红魔Hea踢
有睇开波嘅球迷都知道莫帅虽然系寸嘴，不过处境艰难嘅时候，寸王依然会企出嚟做挡箭牌为球员发声，不过班波有冇心为领队卖力，就系另一回事，早前红魔名宿恩斯就直指队中明显有球员Hea踢，藉此拉低成绩送莫帅一程。查实曼联将帅不和已经系公开嘅秘密，尤其上季弗爆嘅进攻核心连格，近期已多次被剔出大军名单，加上曼联今季嘅踢法完全可以用冇谱嚟形容，场上球员各自为战嘅情况比比皆是，就算保罗普巴同卢卡古等个人能力再标青，都好难喺英超发围，明显已经技穷嘅莫帅，今场与其再靠呢班球员保命，不如谂定后路好过。

喜鹊作客守阵应战
俗语有话不是冤家不聚头，莫帅风头火势之时，今场又要硬撼老对手宾尼迪斯，认真恶顶。不过宾尼迪斯喺纽卡素嘅处境都唔系好莫连奴几多，皆因喜鹊整体实力欠奉系不争事实，呢位一直要求引入高质球员嘅西班牙领队，得唔到班主艾殊利嘅支持，想抢分惟有靠战术搭够。况且纽卡素近3次英超作客，半场都同对手打和，今场面对实力明显更优胜嘅曼联，宾帅多数都会摆出铁桶阵应战，两队进攻冇料到嘅情况下，半场和相信冇走鸡。