今日傍晚上演一场重量级热身赛，拜仁慕尼黑喺日本新国立竞技场火并曼城。两队上季喺欧联8强交锋，曼城两回合总比数赢4比1，最终成功捧盃，今次双方喺日本集训对赛，试阵味浓，sportscn.com加上近5次交手4次半场开1球或以下，半场细值得一试。（无綫myTV SUPER周三晚上6时30分直播）
拜仁慕尼黑开操後喺本土踢热身赛，曾以27比0狂数一支业余球队，共有13人取得入球，其中穆斯亚拿、已转投多蒙特嘅沙比萨同泰尔各入5球，盛传离队嘅沙迪奥文尼都有「士哥」；拜仁今季重要收购暂时有金玟哉，亚洲集训对呢位南韩国脚相对有利，令佢容易适应，另两位新加盟球员拉菲尔古里路及干拉特赖马亦要透过比赛融入球队，热身赛点到即止。
实力相近点到即止
今场系曼城日本集训第2站，佢哋上场赢横滨水手5比3，史东斯、祖利安艾华利斯、洛迪卡斯简迪都「开斋」，艾宁夏兰特更起孖，但系今仗对同级对手拜仁先系真正考验，哥迪奥拿会尽可能让随队球员落场，以达试阵目的，不过奇云迪布尼仲养紧伤，新加盟嘅高华锡融入体系需要时间，预计今场会慢慢踢，半场细稳阵。
