喺美国举行嘅英超季前赛，上季杀入前4嘅纽卡素，将会面对阿士东维拉。两军上季於英超都大跃进，不单止纽卡素成功进军欧联，阿士东维拉亦取得欧协联入场券，由於双方都已经开始咗热身赛，今场一开波就可以嚟料，两军上季联赛两循环都大手交易，相信呢场都唔会留手，开定电视等睇入球骚。（Now 621周一早上7时直播）

今场喜鹊斗维拉会喺费城举行，无独有偶，嚟紧新一季英超开锣，两军首战就系对住对方，今场可以一探对方虚实。双方已经展开咗热身赛，纽卡素分别以3比2击败非联赛球队盖茨黑德同2比1击败格拉斯哥流浪，新加盟嘅辛度东拿利已经上阵，「更多分析浏览华体网喜鹊」经过两场热身，今场可以一开波就攻。
维拉中场增兵添实力

另边厢，维拉首场热身赛斗华素尔踢成1比1，佢哋今夏阵容加入泰利文斯同柏奥托利斯，後者系领队艾美利喺执教维拉利尔时嘅爱将，两人合作曾经夺得2021年欧霸冠军，两名球员嘅加入增添维拉中场线嘅深度。今场正式斗英超球队，可以见真章，事实上，维拉上季两循环对碰各赢一场，纽卡素首循环赠维拉4蛋，维拉返主场复仇赢3比0，加上今场系表演赛性质，预计会有大量入球。