车路士美国之旅展开，新帅普捷天奴上任首场热身赛，将会对英乙球队域斯咸，车路士今夏由头换到落脚，今仗「新车落地」除咗试阵，喺美国班主保利地头出击肯定唔衰得，点都要入多几球，而对手域斯咸踢法以攻代守，大家等睇入球骚。（周四早上7时30分开赛）

经过动荡一季，车路士今季大换血，上至领队下至职球员都有大改动，旧将艾斯派古达、尼高路简迪、基斯甸普列锡、高华锡、美臣蒙特同夏维斯等人离队，主要收购就有尼干古同尼高拉斯积逊，阵容变得精简兼焕然一新。

英乙域斯咸等做「强队沙包」
今次美国集训，尼干古同梅迪历暂时唔出住，但佢哋阵容仍然豪华，预计普捷天奴会派强阵，防线重用阿列沙巴拿加把关，堤亚高施华拍住芝维尔同列斯占士，中场就有安素费南迪斯同干拿加历查孭重飞，前锋史达宁同外借收回嘅赫臣奥杜尔，就会同新加盟嘅尼高拉斯积逊合作攻坚。

域斯咸今季新升上英乙，拥有前曼联门将宾科士打，佢哋今次美国集训硬仗连场，除咗今场挑战车路士，之後仲会同曼联交手，摆明做「强队沙包」，佢哋上季46场攻入11ｓｐｏｒｔｓｃｎ．ｃｏｍ6球，踢法进取，近9仗7次开3球或以上，今场入波唔会少。