美洲金盃C组最後一轮生死战，哥斯达黎加同马提尼克将会展开大激斗，上年有份出战世盃决赛周嘅哥斯达黎加，要出线嘅话今场非胜不可，不过马提尼克已经上晒力，进攻火力同样唔讲得笑，双方为争最後一个出线席位打甩髀，预计开2.5球嘅入球大机会极高。（无详细看华体网綫myTV SUPER周三早上8时30分直播）

哥斯达黎加今届以老带新，祖尔甘保、施素波格斯、法兰斯高卡禾、祖安华加斯、基舒亚富拿等骨干都有份踢上年世盃决赛周，虽然今届头两轮赛事只得1分，但唔可以低估呢支球队嘅决心同能力，佢哋喺卡塔尔世盃分组赛最後一轮，被一致睇死下同德国大战，最终以2比4奋战落败，但就赢尽球坛名宿及球迷嘅掌声。

过去12届最少入8强

哥斯达黎加属金盃传统劲旅，过去12届最少都能够晋级8强，今场形势上佢哋一定要赢波先有机会出线，球员肯定会尽地一煲抢攻，尤其哥斯达黎加近4次对马提尼克，全部赢晒兼入至少2球，自知实力比对手优胜，今仗更加会无後顾之忧咁去抢攻。

马提尼克今届有令人惊喜表现，首场分组赛踢少1个下，2比1击败萨尔瓦多，上轮面对劲旅巴拿马亦咬得紧凑，奋战下1比2落败，呢支有唔少喺法国搵食球员嘅球队进攻力唔差，近5场比赛有4场总入球开3球或以上，今场相信会同哥斯达黎加斗攻，捧2.5球大盘稳阵。