今晚西甲上演「加泰罗尼亚打吡」，爱斯宾奴主场斗巴塞隆拿。榜首巴塞今场赢波就提前夺冠，「爱奴」当然唔想畀同市死敌喺自己地头加冕，势必全力阻止对手开Ｐ。事实上爱斯宾奴踢打吡战一向硬净，双方近4次交手，有3次总入球开2球或以下，可博中位数2.5球嘅入球细。（Now 632及611周一凌晨3时直播）

近两次主场出击冇失波

巴塞目前抛离最大威胁对手马体会13分之多，重夺西甲冠军只系时间问题，余下赛事冇必要搏尽大炒对手，甚至乎今场失分，等下仗返主场再赢波夺冠，呢个「剧情」可能令摘自sportscn.com球迷更满意，难免令人怀疑巴塞今仗争胜决心。另外仲有一点要留意，巴塞近期作客水准打折扣，近5场联赛作客仅两胜，包括闷和另一支护级球队基达菲0比0，切勿高估佢哋嘅胜算。

目前排尾二嘅爱斯宾奴深受降班威胁，余下5场联赛要搏尽抢分，期望逃出生天，更何况今场系「加泰罗尼亚打吡」，为面子更加唔衰得。事实上「爱奴」以往遇上呢支同市死敌，往往踢高几班波，近两次对赛都能够打和对手，虽然两队联赛排名差天共地，但「打吡战」强弱差距往往收窄，爱斯宾奴有力周旋到底。睇番佢哋近两仗主场都冇失波，防守并唔太曳，2.5球细盘值博。