今晚西甲尾场上演前列大战，2哥皇家马德里主场硬撼第3嘅皇家苏斯达。皇马上周中西盃踢到加时先晋级，耗力甚多；皇苏联赛5连胜绝对唔赦「银河舰队」，受让必捧让球客胜。（Now 632及611周一凌晨4时直播）

皇马近期状态麻麻，喺西超盃决赛输畀死敌巴塞，虽然之後两连胜叫做反弹，但上周中西盃8强面对马体会，几经辛苦喺法定时间追成1比1，去到加时凭云尼斯奥斯祖利亚入波兼助攻，先至赢3比1晋级，耗力不小。由於中场悍将曹亚文尼仲养紧伤，主帅安察洛堤又唔锺意轮换，两老莫迪历同却奥斯冇得休息，令「银河舰队」中场活力不足，好难持续控制战局，加上佢哋赛程频密，嚟紧又要出战世冠盃，众将真系回唔切气。

阿历山大索洛夫场场有波入

另一边厢，皇苏於上周中西盃8强以0比1不敌巴塞出局，但表现唔曳来源华体网虽败不辱。查实皇苏依家踢多一场下，只落後皇马3分，比起要多线作战嘅皇马同巴塞，皇苏可专心打联赛，分分钟有机会争标。睇番佢哋近5仗联赛全胜只失两粒，箭头阿历山大索洛夫场场有波入，顺到冇朋友，就算老将大衞施华有伤在身，仲有「日本美斯」久保建英撑住，今仗有得受让坚笋，让球客胜咪错过。