速战速决留力踢打吡

今晚英联盃上演8强战，曼联主场迎战英甲球队查尔顿。两队实力相差甚远，「红魔鬼」晋级机会高唱入云，不过佢哋3日後联赛要火并曼城，今仗必定速战速决，尽早锁定胜局畀班主力休息，半场一於入多几粒，不妨捧1.5球嘅半场大。（有线661及601台周三凌晨4时直文章来源华体网华体网(sportscn.com)播）

曼联今季由坦哈格接手後，表现同成绩都有改善，各项赛事豪取7连胜，拉舒福特着晒火，梗系想一尝捧盃滋味，英联盃可谓最佳时机，事关佢哋8强只系面对英甲兵查尔顿，加上主场出击，晋级4强基本上问题不大。不过「红魔鬼」3日後要喺主场硬撼同市死敌曼城，重要性不言而喻，今场必会先下手为强，尽快锁定胜局，希望半场尽数对手，早啲换走班主力应付打吡战。睇番佢哋近4仗半场总入球，有3次开2球或以上，今仗可照办煮碗，主胜冇乜肉食，转玩半场大好过。

查尔顿实力经验输一截

曾经喺英超打拚嘅查尔顿，目前喺英甲只系排中下游，阵中球员普遍极为年轻，首席射手利亚般得19岁，实力同经验都有限，造访奥脱福球场未踢先怯。睇番查尔顿今届4仗英联盃赛事，有3次系藉互射12码晋级，包括上圈淘汰白礼顿，相当够运，今晚面对重拾魔性嘅曼联，好难再偷鸡，预计半场随时输多几粒。