今晚有场葡超赛事，由辛达卡拉主场迎战布拉加。布拉加今季表现强势，现时稳占三甲一席，上仗联赛大炒榜首宾菲加3比0，近7仗6胜1负，近况弗到漏，今场作客排联赛榜下游嘅辛达卡拉，3分冇走鸡，客胜稳开。（周五凌晨4时15分开赛）
葡超冠军一向不离波图、宾菲加同士砵亭，而布拉加就系最接近Big 3嘅一队，亦都系欧霸盃常客；布拉加阵中主力有队长兼葡萄牙世盃国脚列卡度贺达，佢喺卡塔尔世盃射入1球，塞尔维亚国脚乌洛斯拉锡文章摘自华体网亦有份去卡塔尔世盃，但未有上阵。
辛达卡拉陷降班危机
讲到近况，布拉加可以话系捧场客恩物，季初各项赛事一度录得8连胜，而且8仗仅失两球，球队近期亦持续有好成绩，近7仗6胜1负，唯一败仗系葡联盃0比5输畀士砵亭，但上仗葡超即以3比0大炒宾菲加，列卡度贺达更梅开二度，今仗定必乘胜追击。
辛达卡拉近年成绩平稳，但今季成绩大跌，现居下游位置，有降班危机，佢哋最大问题系攻力弱，14仗仅入11球，入球数字排葡超尾3，近5仗1和4负表现极差，今仗对住弗到爆嘅布拉加，可谓凶多吉少。
