除咗伦敦打吡，今日仲有另一场西米德兰兹打吡，阿士东维拉主场斗狼队。两支季中同样换咗名帅，维拉11月由艾美利上任後，4场联赛获3胜1负，至於狼队卢比迪古世盃後先正式执教，仲要时间执吓队波，今场拥有主场之利嘅维拉可以睇高一线。（Now 622周四凌晨4时直播）

两名西班牙领队张履历表都唔简单，艾美利净系喺西维尔成「欧霸之王」已经够晒照，佢仲教过PSG、阿仙奴同维拉利尔，执教功力不容怀疑，今次重返英超已经攞到好成绩，领军4场英超，分别击文章摘自华体网败曼联、白礼顿同热刺，仅输畀利物浦。

狼队积弱人脚未齐

卢比迪古同样带过西维尔攞到欧霸，佢之前教过西班牙国家队同皇马，不过成绩只系麻麻。嚟到狼队预计可以为球队带新景象，不过球队积弱太耐，相信仍然要等冬季转会窗後，佢哋搵到适合人选先会有显着改善，到时捧场都未迟，今场都系玩番主W好啲。