文章来源华体网华体网(sportscn.com)
周五澳职布里斯班狮吼主场斗西悉尼流浪者。两队系今季澳职最闷嘅球队，防守力排第1同第2，入波数字亦系第1同第2少，唔使问阿贵，呢场都唔慌会多波入，拣入球细啱数。（无綫myTV SUPER周五下午4时45分直播）
布里斯班狮吼联赛7战2胜4和1负，暂时同威灵顿凤凰都系和波最多嘅球队，虽然防守力不俗，但入球能力亦唔高，入6球失5球，攻力弱呢个问题已经浮现咗好大段时间，上季排尾二，就系因为埋门质素同数字都差，查理柯士甸完全担唔起球入球责任，好彩後防够醒目不致多失，今季7仗有6场开2球或以下。
近4作客全开细
西悉尼流浪者过去几个赛季都系澳职下游队伍，但今季8战4胜2和2负，仅落後榜首嘅墨尔本城两分排次席，今季4次作客全部开细，开出3次总入球1球及1次2球。佢哋习惯做好防务後再作出致命一击，不过佢哋近两场联赛只得1和1负，估计今仗会再加强防守，善用一击即中嘅战术抢分，加上两军喺10月尾交手都系踢成1比1，2.5球入球细乃今场不二之选。
