世盃进入直路阶段，更多分析请浏览华体网华体网(sportscn.com)但近期Keep住都有葡联盃分组赛上演，今晚则有B组赛事，名牌球队士砵亭主场迎战马里迪莫。士砵亭今仗唔输就可出线，而马里迪莫守强攻弱，近年碰头又旺少交收，不如转捧中位数3.5球嘅入球细。(周三凌晨4时45分开赛)

葡联盃分组赛采取单循环制，每组首名可进身下一圈，睇番B组，士砵亭头两轮全胜位居榜首，领先里奥艾维同法伦斯3分，如果今仗对马里迪莫有分落袋，就可锁定首名出线资格。单睇近绩，士砵亭头两仗赢晒兼入8球，非常Sharp醒，不过上轮造访里奥艾维一度陷於苦战，踢到下半场中段先由干卡路恩拿斯奥打破僵局，加上对方嘅乌龙波而赢2比0，过程唔系想像中咁容易，既然今仗唔输都可晋级，未必会去尽。

马里迪莫连场食白果

另一边厢，马里迪莫确系不济，头两轮输晒敬陪末席，已肯定无缘出线。不过马里迪莫嘅特点系守强攻弱，连同各项赛事，近6仗只得1胜2和3负，全开2球或以下，当中近4仗更加食白果，攻力曳到冇朋友，今仗作客士砵亭只求输少当赢。翻查纪录，两军近9次正面交锋，有8次开2球或以下，睇嚟今仗唔慌多波入，主胜太热冇肉食，宁捧入球细好过。